Marwa " hegazia" > Marwa's Quotes

“كلمة أنا ما تحلاش إلا بدفا الجماعة. زى لمّا تخبط على باب الحبايب ويسألوا "مين؟" تقول "أنا" ويعرفوك من حسك”
― فؤاد حداد, الأعمال الكاملة (2): على الطريق الرمضاني

“و أنا فى الحقيقة ماليش فى الوصف كتير..أنا باحب و باكره”
― فؤاد حداد, الأعمال الكاملة (2): على الطريق الرمضاني

“النهارده كنت كويس قدام الناس .. بس ما كنتش أنا، ومش عارف إمتى هاكون كويس وأنا!”
― فؤاد حداد

“و إن كان أمل العشاق القرب ..أنا أملى فى حبك هو الحب”
― أحمد فؤاد نجم

“كل عين تعشق حليوة

و إنتي حلوة في كل عين

يا حبيبتي أنا قلبي عاشق

و اسمحيلي بكلمتين

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين”
― أحمد فؤاد نجم

“أنا اتوب عن حبك أنا؟
أنا ليّ ف بعدك هنا
دة انا بترجاك
الله يجازيك
يا شاغلني معاك
وشاغلني عليك
وان غبت سنة
أنا برضه أنا
لا أقدر أنساك
ولا لي غنى
ولا اتوب عن حبك أنا
***
زي ما يحلالك
زي هواك
سهرني عليك
سهرني معاك
دة انا عمري ما اخاف من هجرك يوم
ولا قلبي بيفرح وانا وياك
وان كان أمل العشاق القرب
أنا أملي ف حبك
هو الحب
وان غبت سنه
أنا برضه أنا
لا أقدر أنساك
ولا لي غنا
ولا اتوب عن حبك أنا
***
أنا لا اتمنيت
ولا قلت يا ريت
ولا بعدك عني
جعلني سليت
دنا كل منايا أدوق اللوم
ويقولوا علي الناس
حبيت
وان كان أمل العشاق القرب
أنا أملي ف حبك
هو الحب
وإن غبت سنه أنا برضه أنا
لا أقدر أنساك
ولا لي غنا
ولا اتوب عن حبك أنا
***
تخاصمني كتير
تصالحني كتير
كل دا يا حبيبي ما لوش تأثير
توصلني سنين
تهجرني سنين
ما تغيرنيش
دنا حبي كبير
و ان كان أمل العشاق القرب
أنا أملي ف حبك
هو الحب
وإن غبت سنه
أنا برضه أنا
لا أقدر أنساك
ولا اتوب
عن حبك أنا”
― أحمد فؤاد نجم

“ياويلك بصبرك
عالظالم وظلمه
في الدنيا وياويلك
من يوم الحساب”
― أحمد فؤاد نجم, أحمد فؤاد نجم: الأعمال الشعرية الكاملة

“مر الكلام زى الحسام
يقطع مكان ما يمر
أما المديح سهل ومريح
يخدع.. لكن بيضر
والكلمة دين من غير ايدين
بس الوفا عالحر.”
― أحمد فؤاد نجم, أحمد فؤاد نجم: الأعمال الشعرية الكاملة

“عارف يارب ..
انا لسّه مقولتش على كذا سِر
انا لسه مقولتش ولا حاجه
ولإن الطيبه ساعات بتعِر
بطّلت أفكر بسذاجه
بطلت أتعلق الماشيين
أو أحب يحبنى بنى آدمين
بطلت أعوز أصلا حاجه !”
― محمد إبر اهيم

“هل تعلم أنك أحيانا ..
بتحس بإنك مش حاسس ؟!
وكإنك خدت فـ إحساسك
100 حقنة بنج ..
وضلوعك بقوا حبة خُرده
وتشوف الدنيا بعين بارده
ويتحول قلبك يومها لتلج
والناس يتساووا قصاد عينك
وتشوف الفارق مش فارق
وتشوف اللمه بتفكك
وتشوف الحلو ملوش قيمه
وكإنك قاعد فـ السيما ..
وحياتك فيلم قديم شوفته
ولذلك بقى مش بيضحك !”
― محمد إبر اهيم

“مكنتش فيكى المشكلة
ولا فى الظروف الصعبة
ولا طيش الشباب
المشكلة فيه أنا
أنا والنهايات السعيدة مش صحاب”
― ميسرة صلاح الدين, شباك خجل

“لما شفتك جوه منى
قلبي حس الارتباك
أصله كان خواف بطبعه
وأنت طبعا مش ملاك
هو دا جرح الحكاية
وارتعاشاتي فى غنايا
وأنتي من بين الصبايا
عامله جوا يا اشتباك”
― ميسرة صلاح الدين, أنا قلبي مش فارس

“تتصور..... أنامتصورتش من مدة
علشان النظرة اللى في صورتى مبتريحنيش
تتصور.... أنامتكلمتش من مدة
علشان النبرة اللى في صوتى مبتطمنيش
وأنا زى مفيش رافض نفسه
متحامل جداً على نفسه
بيخاف ليجيله اللى في نفسه وبيخاف ميجيش”
― ميسرة صلاح الدين, شباك خجل

“من غير ما ابعت رسايل
قاعد..
مستنى...
رد”
― ميسرة صلاح الدين, أرقام سرية

“مفيش فى الدنيا ولا حاجة
عشان تتحب
عجوزة كئيبة محنية يعوجة ضب
وكل ما فيها بيزود وحاشتها
لكن مكارة وبتعرف تخش القلب”
― ميسرة صلاح الدين, أنا قلبي مش فارس

“من صغرى بحب العسلية

واكمن عيونك عسلية

أنا حبيتك

على باب بيتك

واقف ومسمر رجليه

ونن عنيه

قصقص جناحاتة

فى شباكك

عصفور

و أتمحك فشباكك

مش عايز

حد يطلعني

إنما لو قلبك

يوم باعني

أنا حكبر

على كل مشاعري

وحبطل أكل العسلية .”
― ميسرة صلاح الدين, أنا قلبي مش فارس

“وقرصة حزن ليل البرد
مقابلها بدفى ذكرى
كانت بتحلم بالامان
وتصدقه
فتمد احلامها على قد الغطا
تكفينى شر الحرج والذل والكافيه
مقفول يا باب الفرج مين يفتحك عافيه”
― ميسرة صلاح الدين, أنا قلبي مش فارس

“الشمس مبتبعتش نور
غير للى ناوى يشوف بجد”
― ميسرة صلاح الدين, شباك خجل

“كل حب وله ضحية كل شيخ بيقول يجوز
البنات عصافير شقية والجواز صياد عجوز”
― ميسرة صلاح الدين, أنا قلبي مش فارس

“صباحك يا بلدي

صباحك شريف

يا وردة وحيدة

فى فصل الخريف

يا ست المداين

يا ورد الجناين

يا فجرى اللي باين

وظهر الضعيف

صباحك يا بلدي

صباحك شريف

هرست المدمس

فى حضن الرغيف

ومادد إيديا

بقســم فطارى

ما بيني وبينك

واكحل في عينك

ولما تمسى بسيبك وأمسى

وأسبلك سريري

وأبات ع الرصيف . .”
― ميسرة صلاح الدين, أنا قلبي مش فارس

“النظارة السودة
القلب المتقفل دايما
بالأرقام السرية
العطر حيادى الأحساس
أنا دلوقتى
مسلح جدا
ممكن أواجه كل الناس”
― ميسرة صلاح الدين, أرقام سرية

“خروج الكلمة من قلبي على لسانك
ربيع أول
خروج الكلمة من قلبك على لساني
ربيع تانى
خروج الكلمة ع العالم
شموع بتحنى ضفايرها
مظاهر صعب تأويلها
خطوط بيضة وخطوط سودة
مكاحل عشق مفقودة
وبين الخرجة والعودة
مساحة كبيرة للتفكير”
― ميسرة صلاح الدين, شباك خجل

“كل ليل بيعدى اطول م اللى قبله
كل شمس تغيب خلاص مش راجعه تانى
كل حلم بينطفى من غير م أقابله كله ماشى الأ انا واقف مكانى”
― ميسرة صلاح الدين, أنا قلبي مش فارس

“يا رب بحنى جبهتي
وبحس أنى عليت كتير
و فضعفى بلقى قوتي
والدمع توب ملهوش كبير
وأنت الكبير
ع اللي كبر
واللي فجر
واللي في ليل الخوف غدر
حتى القمر
بيصلى بنجوم السما
وأنت اللي بيك قلبي سما
عن كل أطماع البشر”
― ميسرة صلاح الدين, أنا قلبي مش فارس

“كل البيوت صبحت إزاز
حتى الحيطان المايلة
زادت ع الطريق
واتبدلت كل الوشوش
بقناع برىء
مفضلش غيرها
شريطة سودة مكلفته
صورة ضماير ميتة
فى برواز”
― ميسرة صلاح الدين, أنا قلبي مش فارس

“احتمالات التفرد فى القصيدة
تبتدى
لحظة خروجك وردة
من بين السطور”
― ميسرة صلاح الدين, أرقام سرية

“صاحبيني يا احزان احسن ماليش صاحب
في الدنيا دي مابقاش في حد يتصاحب”
― ميسرة صلاح الدين, أنا قلبي مش فارس

“الحزن مربع ع السفرة
وبيغمس ف الحلم البايت
والهم بيخرج م التلاجة
وأوض النوم وبخار العيش
وأيدين العتمة مغمية على عيون الشيش
وأنا واقف على نفس مكاني
فى أبراج الصمت”
― ميسرة صلاح الدين, شباك خجل

“بعد ما صرَّخ اوى م الخوف
خاف ليكون الناس شايفينه
غمى مشاعره
وكرمش عينه
مثِّل أنه ما بيصَّرخش
لكن الدنيا
عشان بتخوِّف
كل الناس ..حبُّوا التمثيل”
― ميسرة صلاح الدين, أرقام سرية

“الأوضه كانت ضلمه كحل
وانا كنت اغمق ركن ف الضلمة
رغم المهدئ..بارتعش تفكير”
― ميسرة صلاح الدين, أرقام سرية