“⸻
گونگی گواہی

عدیل احمد خان

⸻

رنگ مَنچ روشن ہے،

سائے گہرے ہیں۔

درندگی کا تماشا ہے،

ڈراؤنے سے چہرے ہیں۔

⸻

ناظر ہے ہر انسان لیکن،

اخبار میں حرف سنہرے ہیں۔

ہر مظلوم ہے خوف زدہ،

ریاست کے جو پہرے ہیں۔

⸻

کہیں ساحل سے ٹکراتی ہوئی،

ننھی لاشوں کی لہریں ہیں۔

کہیں وادیوں میں چیختی ہوئی،

بہتے لہو کی نہریں ہیں۔

⸻

کہیں تارِ قفس میں قید ہے قصبہ،

کہیں شہر در شہر قابضوں کے بسیرے ہیں۔

جہاں خون بہنا اب باقی ہے،

وہاں غنڈے تاک میں ٹھہرے ہیں۔

⸻

کہیں نسل پر سوال،

کہیں مذہب کا وبال۔

دین و ایمان کا ٹھکانا نہیں،

پرچمِ وطن تلے یہ لُٹیرے ہیں۔

⸻

نہ کوئی اخلاقی مقصد، نہ نیک اسباب،

نہ عقلی دلیل کا کوئی جواب۔

حکمرانوں کے پرست ہیں بس،

خود تو اَیرے غَیرے ہیں۔

⸻

اِن کی پہچان بھی اُدھار کی،

اِن کے رہبر بھی بازار کے۔

عقل سے ہیں یہ اندھے،

ہدایت سے یہ بہرے ہیں۔

⸻

آج بھلے اِن کے سر پر،

سلطنت کے سِہرے ہیں۔

تاریخ گواہ ہے — سب ظالم،

عذاب میں تیرے ہیں۔

⸻”