Huda Aweys's Reviews > التجربة الفكرية لروح أمه

ايه المهزلة دي
!
حقيقي أول مرة في حياتي أحس إني موش عاوزة أكمل قراءة كتاب ،
عامية قميئة .. مبتذلة و رديئة ، و تخيل لما تلاقي أخطاء إملائية كمان ! .. أخطاء إملائية في كتاب بالعامية !! .. مهزلة !!! أنا حقيقي كرهت فكرة الكتابة بالعامية بعد الكتاب دا
!
أما بالنسبة لتقييم الحكاية من الجانب العلمي فكتاب ٣ ثانوي بتاع علم النفس أقيم و أكثر احتراما من الهري دا ! .. ، و الحكايات اللي استعان بيها سهل تلاقيها على صفحة (هل تعلم) على فيس بوك .. أو في مقالة تافهه على جريدة تافهة و مبتذلة زي ساسة و هافينجتون بوست ! ، و الحقيقة إن مراجعه فعلا كانت جرايد و مواقع أجنبية على نفس الدرجة من التفاهه
!
لا و تلاقي حد بيقولك ان ميزة الكتاب إنه بيبسط المادة العلمية قال ! .. دا بيبتذل المادة العلمية .. دا بيدمر المادة العلمية ، و اما دا تبسيط للمادة العلمية .. أومال أينشتين و النسبية لمصطفى محمود يبقى ايه مثلا ؟؟
!
و لا الجهل و الضحالة خلاص اتفشوا مابيننا للدرجة دي
!!
لا و اللي يقولك دمه خفيف !! ..، و الله و الله ان الكتاب بالنسبة لي شئ دمه يلطش .. و زيادة على كده .. مقزز .. كونه بيمتهن المادة العلمية بالشكل دا
.....
الله يرحم صلاح جاهين و فؤاد حداد .. العامية من بعدهم اتيتمت و مابقيتش تستاهل يتبكي عليها
!
.....
اللي احنا فيه دا لعنة من لعنات التكنولوجيا .. إن أي واحد أو واحدة ، يكتبوا بوستات بالعامية تاخد شوية لايكات كتير ، يقوموا عاملين كتاب ! دي جريمة !
..و مابقيتش فاهمه دي غلطة اللي بيكتبوا و لا اللي بينشروا .. و لا اللي بيقروا الكلام دا ! ، أنا حاسة بذنب حقيقي اني قررت أقرأ كتاب دا عنوانه من البداية
!
.....
يا جماعة يا مشهورين يابتوع الفيسبوك ، حضراتكم ممكن تسجلوا الكلام دا في بوستات على فيس بوك .. لكن الكتابة مسألة غير كده خالص
.. خالص !!
كفاية بقى