Hend Aboul Gada's Reviews > ويسترن يونيون فرع الهرم

ديوان اكتر من رائع
قصايدة تحفة
حتى الاهداء مالوش حل:

إهداء إلى أمي....اللي عرّفتني ع الكتب وبعدين معرفتنيش
إهداء إلى بحر إسكندرية اللي نفذ الجريمة الكاملة
إهداء إلى أختي مها بالدم....و لبقية أخوتي ف الهم
إهداء إلى أبويا اللي بالصدفة البحتة يبقى أخو أمي
وأول من آمن بي من الرجال
إهداء إلى مصر قبل الفجر بس
إهداء لكل الولاد اللي جابتهم مصر قبل ماتمشي في البطال
إهداء لأحمد العايدي اللي بيخليني اتكسف من نفسي
إهداء لهشام اللي بيخليني اشك ف نفسي
إهداء لنجلاء اللي بخلّيها تشك ف نفسها... و ف كل حاجه
إهداء لمعتز رفيق الدوّامة ..اللي معاه ورق يوّديني ف ستين داهيه
إهداء لمحسن صديق الطفوله اللي اعرفه من تلات سنين
اهداء لعيش وحلاوه وكل الأحلام التي لم تكتمل
إهداء لسارة خان البنت اللى عمرى ما حنساها
إهداء لميهران جافيدان أمى فى شيراز
إهداء لفيلم الكيت كات
إهداء لموسيقى فيلم الكيت كات
إهداء للمزيكا اللي بحبها و عمري ماعرفت أكتب ونا بسمعها
إهداء لمصطفي محمود اللي لحم دماغي من خيره
إهداء لعم نجم الوحيد اللي ماباعش
إهداء لكل اللي خرجوا منها زي مادخلوا
وإهداء للّي خرجوا من غير مايدخلوا
إهداء للطيران اللي بحبه وما بيحبنييش
إهداء لمصطفي ماضي أستاذي
إهداء لمصطفي أبوبكر صاحبي الانتيم اللي ميعرفش إني بكتب شعر
إهداء لأميرة..البنت اللي مسحت كل اللي قبلها بـأستيكه ….واخاف لو سيبتها تكمل ع اللي بعدها
إهداء لنسيم الريح اللي بسمعها لأول مره يوميا
وإهداء لسيدنا الحسين اللي مات لوحده... وعاش
وإهداء لجارنا العجوز اللي عاش لوحده …ومات
وإهداء لبيتنا....
وحوش مدرستنا....
و للنينجا ترتلز …
وغزل البنات …