Marwan Hamed's Reviews > جبل الروح

الكاتب كتب الرواية خلال 7 سنين, وهو برا الصين وكان بيحاول يتخلص من شعور الوحدة, والعزلة, ويحمل الصين معه, ولما خلص قال إنه مش هيحس بالحنين تاني, لإنه كتب الصين وحملها معاه, الرواية ترجمها الكاتب وأشرف أنها تترجم كويس, وأترفضت من جالمار بسبب حجمها الضخم, فنشرها في دار صغيرة في فرنسا ولاقت نجاح كبير, وقبلها كان فيه أعماله كتير ليه.
الكاتب لا يعني بالسياسة, لكنه أسس أعظم عمل سردي ممكن يمر عليك, الكاتب مكتبش ولا اسم, خلا أنت هي مرآة ال أنا, وهم نابعة من أنا, ومفيش نحن. تارة يتكلم بأنا, وتارة يوجه كلامه ل أنت. الكاتب بيعمل حيل في حكي القصص, والرواية مليانة حكايات بالهبل, ففي سعيه نحو الجبل بيحكي, ويقابل ناس ويحكوا له, وهكذا, غير الرحلة نفسها.
بنعرف في الرحلة كل معالم الصين, وتاريخ الصين, والدين, والأسكطورة, والفلسفة الصنينية من كتاب التحولات حتى الطاو, حتى فلسفة الكاتب, بنشوف الروح, الحب, الموت, الأكتئاب, البحث عن معنى, البحث عن الإنسان وهوتيه, والسعي نحو الأنا. الكتاب أعظم عمل أتكلم عن الأنا, والسعي. الرواية ساحرة, يكفي أنه وهو بيوصف أنه راكب الباص أ،ت منبهر وبتبلع الكلام, الكاتب بيدمج الطبيعة والنفس والحواس في وصفه لأي شيء, وهو بيخلق جمل تعبيرية عبقرية للغاية تملس النفس, وبيلعب تشويق, يعني في الأول يوهمك أنه فقد واحدة, بعدين تلاقيها بعدين تفقد, ونستمر في لعب تشويق روحية جميلة. الروياة نفسية شديدة, وروحية, وتحمل كل حاجة عن الإنسان, ونهايتها عبقرية, والمشاهد التصويرية مذهلة, والأفضل تتقري على فترة طويلة, علشان يبقى فيه مساحة للتفكير في بناء شخصيات غريب جدًا, وبناء حياة, ورحلة لجبل بتحمل الصين والإنسان.
الرواية عن الوحدة , عن الموت والحزن كمان,وعن الماضي, وعن الطفولة والشباب, والتفكير فيهم, الرواية شبه بأدويسة الإنسان.
الكاتب بيقول مش مهم الاسم, ومش مهم تركز مع شخص, فتدخل الحكايات مع الشخصيات الروائية اللي الكاتب بيتكلم ليها واللي بتمثله هو, واللي أنا بتساوي أنت, وهم نابعة من أنا.
الرواية في نمك سردها وعبقرية الكاتب مدهشة, وممتعة وتقيلة نفسيًا كمان, وبتجيب حزن كبيرة وتفكير كتير, وبتتناول الوطن والثقافة وكل منحيات الإنسان علشان نبحث عن معنى ليه, ومن نوعية الروايات اللي هتعلم على كل سطر حرفيًا كأنه يصلح لأقتباس أو بيعبر عن فكرة, وهنا لقيت ادق توصيف لمشاعر بمر بيها كتير ومبعرفش أوصفها غير برغي كتير, هنا دمجها بمشهد للطبيعة بسيط وهو حواليه تلج وبياض, بقمة السهولة والصعوبة والعظمة الفنية, كل وصف للطبيعة أو الأشياء من حوله بيوصف مشاعر وحالات نفسيه وأفكار للكاتب, وده تطوير وأستخدام غريب للغة أول مرة أشوفه الصراحة بالقوة والدقة دي. دي ممكن تكون من أهم قراءات حياتي, اللي لازم أعيدها تاني. بكدا رحلتنا لللجبل هي جبل الروح, ورحلتنا في الللإقامة في الجبل هي الجبل السحري, ورحلة الإنسان بينهم, بني جبلين وعالمين, بين كاتب شرقي, وكاتب غربي, حياة الإنسان, الروايتين ممكن يكملوا خط سير بعض, بشكل مختلف لكن بيصبوا في نفس البحر.