Fatma Abo Elnasr's Reviews > كل ما أعرف

الإهداء: "إلى من تقاسموا معي حبيبتي الأولى."
ما فهمتش… بس حسيت إننا داخلين على مصيبة و إني هرجع أعيش كوابيس "أنثى موازية" تاني، بس اتضح إن فيه أسوأ.
ببساطة لو كنتِ مش واثقة في الرجالة بنسبة 50%، الرواية هترفع النسبة دي لـ 100%.
128 صفحة بحاول ألاقي راجل عدل… مفيش.
كله ماشي على نفس النغمة: مظلوم، ومقهور، و"أنا مش غلطان". كانو تحفه جدًا في لعب دور الضحية

حبيت الرواية، حبيت نهايات الشخصيات، كلها كانت منطقية ومُرضية بالنسبالي، وكل واحد خد النهاية اللي تناسب أفعاله. باستثناء نهاية الأستاذ علي… نهاية حرقتلي دمي. الراجل ده كان يستاهل يعيش، مش عشان يستمتع بالحياة، لأ، عشان يتعاقب بيها. موته كان رحمة بالنسبة له. بعد ما خسر قريبه، الشخص اللي كان بيعيش في ظله، وخسر كمان مشروع عمره، حسيت إن الحياة نفسها كانت هتبقى العقاب الحقيقي.