Sara Mahran's Reviews > بيت القبرصي

مشاعري مختلطة ناحية الرواية دي.
الرواية دي قريتها عشان ال Reading Bingo اللي عملته في أول السنة، والرواية كانت "رواية اخترتها بناءا علي غلافها".
ف الأول كانت مضايقاني جدا، بس عجبتني فكرتها شوية قرب النهاية. حسيتها محمساني شوية.
طبعا كالعادة الكتابة ركيكة، الله يرحمه أحمد خالد توفيق الوحيد اللي عرف دايما يعمل المعادلة الصعبة دي، كتابة عظيمة وقصة عظيمة ف نفس الوقت، وفي شوية كتاب بردو شطار ف ده بس مش دايما زيه.
خفة الدم مكنتش خفيفة ف الرواية، يعني مكنتش بضحك، بس مش هنكر حبيت طابع السخربة عامة في الحكاية.
هل الفكرة جديدة؟ الصراحة لا، وحتي حاسة أحداثها كان أغلبها متوقعة، يمكن كنت حابة جانب الكوابيس، دايما بحب الأحلام في روايات الرعب ازاي بتتربط بالحكاية، وحبيت إن النهاية ظريفة.
تجربة قراية مش بطالة عامة، نشكر بردو إن Reading Bingo اللي عملتها أول السنة مخليني أختار كتب بشكل عشوائي، من غير ما أقعد أدعبس وأقرأ عنها قبل ما أقراها زي العادي بتاعي، وده ف حد ذاته محمسني جدا❤️.