Pakinam Mahmoud's Reviews > حضرة المحترم

نقول إيه يا عم نجيب.. خلاص مفيش حاجة نقولها..
وصلت لدرجة من الإبداع محدش غيرك وصلها😍

كل مرة أقول أنا خلصت كل كتبك الحلوة وفي كل مرة بطلع غلطانة:)
حضرة المحترم..رواية من ١٥٠ صفحة فقط ولكن إستطاع نجيب محفوظ يوصف فيها حياة كاملة بكل تفاصيلها بعبقرية!

الموظف البسيط الذي يحلم بأن يكون مدير عام وفي سبيل هذا الحلم يضحي بكل شئ ..
يضحي بمسكن لائق..بملابس جيدة ..بأصدقاء حواليه..بطعام شهي وحتي الزواج رفض أن يرتبط بمن هم في نفس مستواه لإنه يبحث عن الزوجة ذات الحسب والنسب كي تساعده لكي يحقق طموحه ...
عمل كل حاجة يقدر عليها لكي يرتقي لهذا المنصب ..فكر في كل الطرق الممكنة..إدخر كل ما يملك من مال..ولكنه نسي أهم حاجة..نسي نفسه و راحته وسعادته لحد ما فات الأوان أنه يعمل أي حاجة و إكتشف إن كل ما كان يسعي له كان وهم في الآخر...

كلنا عثمان بيومي بشكل أو بأخر..كلنا بنجري ورا حاجات وأوهام مش شرط تكون سبب لسعادتنا وكلنا محتاجين وقفة مع النفس من وقت للتاني ونسأل نفسنا هو كل اللي بعمله ده فعلاً حيخليني سعيد ولا لأ...
"الحياة جميلة ولكنها تطالبنا بالحكمة لتجود علينا بحلاوتها.."

مبدع..ممتع..عبقري..وزي ما دايماً بقول مفيش زيك يا عم نجيب وفي الغالب مش حيجي زيك تاني..
عم نجيب وبس❤️