ESRAA MOHAMED's Reviews > جوابات حراجي القط

" طب والنبي كأن ورقتك دي .. أول قنديل بتهز ف جوف الدار .. شهرين يا بخيل ؟ .. ستين شمس وستين ليل ؟! .. النبي يا حراجي ما أطول قلبك لأقطع بسناني الحتة القاسية فيه "

" مش ماشيه معايا حكاية الجوهرة والدرة المكنونة دي .. إنتي يا فاطنة أغلى من الجوهرة وأجدع م الدرة .. وحتى أنا مش عارف معنى كلمة درة .. إنتي يا فاطنه أغلى ما ماسك في ايديا .. تحويشتي وعرقي .. وأكتر من كل كنوز الدنيا. .. والمسألة في القول مع فاطنه مش محتاجة كلام .. يعنى أنا لو قلتلك جوهره حتقولي معزته زادت ؟ إنتي عارفه حراجي وعارفه مقدارك .. أنا ربنا جابني الدنيا من غير ورث واداني منابي فيكي وما طالب منه غير بس يبارك فيكى ويديني الجهد فيف دراعيني أقدف بيكى .. أغلى عندى من الولد لو إن الولد نضر عيني .. لكن لسه احنا قادرين نعمل ولد .. لكن أنتي لا قدر رب الناس .. ما قدرشي أعكز في طريق إلا بيكي .. إن مالت بيا الدنيا اتك عليكي. تسندني إيديكي .. وإذا كنت باقول إني في أسوان عال .. فأنا عال لأن العمر منفد ع الجبلاية .. والجبلاية فيها فاطنه اللي واخدها بسنة رب الدنيا ورسوله .. فمنين جوهره ولا ميه حينوروا زي عنيكي المليانين طيبه وحنيه في لياليا. "

" في الليل يا حراجي .. بتهف عليا .. ماعرف كيف .. هففان القهوة على صاحب الكيف.. "