ᥫ᭡ مَـريَم زهـرة's Reviews > جوابات حراجي القط

كل ما الدنيا تقسي عليك ادخل اقرأ او اسمع الخال 💙 .. هتلاقي صوته و لغته بطبطب عليك بتوديك دنيا تانيه .. لحظه عصاري .. حضن جدتك 🤗 .. لمسه حنان الام علي جبينك ، قعده وسط الزرع و الخضره .. شمس دافيه و ريحه تراب الارض اللي الزرع منور فيها ..

حرفيا مفيش كلمات توصف هذا الجمال😍😍 ..
من اول ما بدأت و انا كمن دخل آله الزمن و عاد لايام الزمن الجميل ..
حراجي و فاطنه .. مصر زمان و الناس الطيبه .. البساطه ، الروح الحلوه ، المعاملات البسيطه بين الناس، الكلام اللي طالع من القلب ..

كلمات الابنودي رغم بساطتها و عاميتها الا انها تحمل كميه مشاعر أُلفه و ونس كانها دقات قلب مسموعه 💗💗💗..

كانك بتقرأ سيره ذاتيه لاسره مصريه سافر فيها الاب حراجي و اتغرب للعمل ف السد العالي و ترك زوجته فاطنه و اولاده عزيزه و عيد في جبلايه الفار ..و بيحكي تغيرات حياتهم علي مدي ست سنين ..

♡♡♡♡♡
وصلنا خطابك ..
شمينا فيه ريحه الاحباب ..
ربنا ما يوري حد غياب ❤
♡♡♡♡♡

فى الليل يا حراجي تهف عليا ماعرف كيف..
هففان القهوة على صاحب الكيف 😅..

♡♡♡♡♡
_ مشتاق ليكي 💔
شوق الأرض لبل الريق ..
شوق الزعلان للنسمه لما الصدر يضيق ..

♡♡♡♡♡

‏جواباتك مليانه شوق
لكن مش طايلاك ياحراجي ..
البُعد خانقني زي الطوق ..😒

♡♡♡♡♡
ماعرف خدتك في حضاني ..
و لا انتى خدتيني في حضنك..

♡♡♡♡♡
شهرين يا بخيل؟
ستين شمس و ستين ليل؟
النبي يا حراجى أطول قلبك
لأقطع بأسناني الحتة القاسية اللى فيه 😌

أما عن نفسي .. فأنا لا بخيل و لا شي ..
كيف اللى فى قلبي بس يا ناس
أرويه في جواب.. ؟

♡♡♡♡♡
حتضيعنا الغيبة يا حراجي😢 ..
الغيبة تخلي الناس تنسى الناس..
كل ما أقول مشتاقة بتبعد  ...

♡♡♡♡♡

‏أنا واخداك علشان لما أمِد إيديا ألقاك جنبي
ما ألقاكش هناك !!!

♡♡♡♡♡
الجهل مريح يا فاطنة
الجهل مريح ..
عدم العلم مليح !
يا أم أولادي يا إنسانة زي الناس ..
عدم العلم مليح ..
عدم العلم عيون تنعس في الليل ..
ضحكة من القلب ..
من القلب صحيح ..
♡♡♡♡♡

وأما شاف خاف..
حراجي لو لف الدنيا والآخرة وطاف ..
لم كان تعلم ولا شاف ..
زي ما شاف ..
وأما شاف السكة وقع في الحزن ..
ورقُه وقع منه في الشتاء ..
وتعرى لمسامير البرد وزعق الريح ..
وحراجي ما يعرف ..
إن كان باللي عرفه مليح ..
ولا كان بدري مليح..
♡♡♡♡♡
وآدي عدت ست سنين ..
وآدي حراچي الغلبان بقى زي الشياطين
عارف أمر الدنيا
وسر الطين
لكن حراچي أبو ضحكة ترُجّ النجم
مات مني يا فاطنة 😢
وبقيت دلوقت حراچي تاني
حزين" ..